नेपालगन्ज, जेठ १० गते बुद्ध जयन्तीको अवसर पारेर प्रदर्शनमा आएको चलचित्र ‘पुजार सार्की’ले आज देशभरिमा हलहरुम हाउसफुलमय ब्यापार गरेको छ ।
राजधानी सङै चलचित्रले मोफसल नेपालगन्जमा आज आक्रमक व्यापार गर्नुका साथै चलचित्रले आज हाउसफुलमय व्यापार गरेको छ । नेपालगन्जको सिनेरोयलमा चलचित्र हेर्ने दर्शनको लर्को नै लागेको छ । आज सिनेरोयलमा चलचित्रले पाएको सम्पुर्ण शोज हाउसफुल भएको छ । सिनेरोयलमा नेपाली चलचित्रको यो पहिलो रेकर्ड हो । चलचित्रको वड अफ माउथ बलियो हुदा चलचित्र हेर्ने दर्शकको भिड आज सम्म पनि हलमा गजबको देखिन्छ । नेपालगन्जको क्युएफएक्समा पनि चलचित्रले आज हाउसफुलमय ब्यापार गरेको छ ।
दिनेश राउतको निर्देशनमा तयार भनेको चलचित्रलाई विकास सुवेदीले लेखेका हुन् । चलचित्रमा आर्यन सिक्देल , प्रदिप खड्का , पल शाह,अञ्जना बराइली,परीक्षा लिम्बु,मोहन निरौला, लोकेन्द्र लेखक, सुवास गजुरेल, विद्या कार्की, तारा शर्मा, शङ्कर आचार्य, प्रेम सुब्बा, गोविन्द रमण पराजुली, राजेश बिसुराल लगायत कलाकारको अभिनय रहेको छ ।
चलचित्रलाई सङ्गीतकार सुवास भुसालले निर्माण गरेका हुन् । चलचित्रमा भुसालकै संगीत निर्देशन छ । राजेश श्रेष्ठको डिओपी रहेको चलचित्रमा सुप्रिम पराजुलीले सम्पादन तथा कलर ग्रेडिङ गरेका छन् ।
