नेपालगन्ज,दयाहाङ राई स्टारर चलचित्र ‘डिग्री माइला’ले देशैभरका सिनेमाघरमा आक्रमक व्यापार गरिरहेको छ । नयाँ बर्षको आसर पारेर शुक्रवार बाट प्रदर्शनमा आएको चलचित्रले आज पनि देशभरका हलहरुमा हाउसफुलमय व्यापार गरिरहेको छ। आज बुधबार बिहानैदेखि शोमा दर्शकहरुको बाक्लो उपस्थिती रहेको देखिन्छ।
नेपालगन्जमा पनि चलचित्रले अज हाउसफुलको व्यापार गरेको छ । नेपालगन्जको सुविधा सम्पन्न हल सिने रोयलमा चलचित्रले आज पाएको सबै शोजहरुमा हाउसफुलको व्यापार गर्ने देखिन्छ । भने नेपालगन्जको क्युएफएक्स सिनेमाजमा पनि चलचित्र हेर्ने दर्शकको बाक्लो उपस्थिति रहेको छ ।
यता चलचित्रप्रति दर्शकको क्रेजको प्रत्यक्ष अनुभव र प्रतिक्रिया लिन ‘डिग्री माइला’ कलाकार सहितको टिम भने मोफसलमा पुर्वका हल बिराटनगर, इटहरी,दमक, बिर्तामोड, धरानका हलहरुमा पुगिरहेका छन् । चलचित्र मनसराको आज ट्रेलर रिलिज कार्यक्रम भएकाले भने अभिनेता दयाहाङ राई भने राजधानी फर्किएका छन् ।
चलचित्रटिमले पत्रकारसँग कुराकानी गर्दै हलहलमा चलचित्र हेर्न आएका दर्शकहरु बाट प्रतिक्रिया लिइरहेका छन् ।
रामबाबु गुरुङ निर्देशित चलचित्रमा दयाहाङ राई,आँचल शर्मा,बिजय बराल,बुद्धि तामाङ लगायत कलाकारको अभिनय रहेको छ ।
