नेपालगन्ज,फागु पुर्णिमा को शुभकामना सहित सुदर्शन थापाको महत्वपूर्ण चलचित्र “रावायण” को प्रदर्शन मिती २०८१ भाद्र २१ गते तिजको दिनलाई लक गरिएको छ।
सुदर्शन थापा प्रोडक्शन र पुजा शर्मा प्रोडक्शन को संयुक्त व्यानरमा बन्ने चलचित्र “रावायण” लाई सुदर्शन थापा र पुजा शर्मा मिलेर निर्माण गर्न लागेका हुन्।
चलचित्रका मुख्य कलाकारहरुमा पल शाह, पुजा शर्मा, प्रियंका कार्की, प्रमोद अग्रहरी, निकीता चण्डक, प्रकाश शाह, कैलाश रावल, अर्जुन जगं शाहि, शर्मिला मल्ल, प्रदिप ढकाल संगै थुप्रै चिर परिचीत कलाकार हरुको अभिनय रहने छ ।
चैत्र महिनाको तेस्रो हप्ताबाट छायांकन शुरू हुने चलचित्रमा शिवम अधिकारीको लेखन, सौरभ लामाको छायांकन, बिक्रम स्वार र रामजी लामिछानेको कोरियोग्राफ़ी, श्री श्रेष्ठको एक्शन रहने छ। भने चलचित्रको संगित सम्पूर्ण काम मुम्बई मा गरीएको हो।
