नेपालगन्ज, यहि फागुन ४ गतेबाट प्रदर्शनमा आउने तयारीमा रहेको चलचित्र ‘जिग्री’को टिजर सार्वजनिक भएको छ । एक मिनेट लामो टिजरमा पैसाको कारणले उत्पन्न गराएको समस्या र त्यस्को समाधानको जोहो गर्न गरिएको संघर्षलाई टिजरमा देख्न सकिन्छ ।
https://youtu.be/zJdkd7OUVjM?si=pdN7cYuDtSJ-QsPo
अभयराज बराल र आकाश मगरको मुख्य भूमिका रहेको चलचित्रलाई आकाश स्वयंले निर्देशन गरेका हुन् । चलचित्रमा यी दुईका अलावा सुप्रीया राना, रोशन सुवेदी, जीवन बराल, वासुदेव खनाल, नवीन लम्साल, केदार श्रेष्ठ, दिवाकर घिमिरे, सुशीला लक्ष्मी महर्जन, मनिष व्याञ्जु, स्नेहा रसाइली, अर्जुन पौडेल, शंकर भण्डारी लगायतको पनि अभिनय रहेको छ ।
सुस्केरा आर्ट्स र लोकल सिनेमाको सहकार्यमा निर्माण भएको चलचित्रको कार्यकारी निर्माता कुसुम थापा मगर र निर्माता कुमार श्रेष्ठ हुन् । भने चलचित्रमा सुमित भट्ट र सोमित माझीको छायांकन, सरुन मानन्धरको सम्पादन र कलर, किशोर आचार्यको ध्वनि तथा सुवास पौडेल र भास्कर स्वाँरको संगीत छ ।
