नेपालगन्ज, ‘इण्डियन आइडल’मा प्रतिस्पर्धा गरिरहेकी नेपालकी मेनुका पौडेलले प्रतीक्षित भारतीय चलचित्र ‘सलार’मा गीत गाउने मौका पाएकी छन् । ‘सालार’ चलचित्रका संगीतकार रवि बसरुरको संगीतमा आफूले गीत गाउने मौका पाएको उनले बताइन। उनले भनेकी छन्, मेरो पहिलो प्लेब्याक गायनका लागि पहिलो गीत गाइरहेको छु । मेरो तर्फबाट निकै राम्रोसँग गाउनेछु ।’
आइतबार राती प्रसारित इण्डियन आइडलको पछिल्लो एपिसोडमा मेनुका स्वयमले यो जानकारी दिएकी हुन् । सोनी टेलिभिजनले मेनुकाको यो क्षणलाई महत्वका साथ प्रसारण गरेको थियो ।
