नायक अनमोल केसी पक्राउ परेका छन् । अनमोललाई साँगाबाट पक्राउ गरिएको वुझिएको छ । फिल्म ‘रावायण’मा काम गर्ने वचन दिएर पनि अन्तिम अवस्थामा नगरेपछि अनमोल केसी विरुद्ध निर्देशक सुदर्शन थापाको ब्यानर सुदर्शन फिल्मस्ले प्रहरी कार्यलयमा उजुरी दिएको थियो ।
सुदर्शन फिल्मस्ले दिएको उजुरीको आधारमा प्रहरीले अनमोललाई खोजी गरिरहेको थियो । अनमोललाई प्रहरीले प्रहरी कार्यलयमा आउनका लागि अनुरोध पनि गरेको थियो । तर, अनमोल प्रहरीको सम्पर्कमा आउन चाहेका थिएनन् । आज उनलाई प्रहरीले साँगाबाट पक्राउ गरेको हो । अपराध अनुसन्धान महाशाखा, काठमाडौंले अनमोललाई पक्राउ गरेको हो । उनलाई काठमाडौं ल्याउँदै गरेको वुझिएको छ ।
