नेपालगन्ज – प्रतिक्षित चलचित्र ‘भगवत् गीता’को टिजर सार्वजनिक गरिएको छ । सार्वजनिक टिजरमा अभिनेता विपिन कार्कीलाई ‘कमलामाई’को अवतारमा प्रस्तुत गरिएको छ। सुनिल कुमार थापाको निर्माण तथा झरना थापाको निर्देशनमा तयार भएको चलचित्रको टिजर कल्पना भन्दा विल्कुलै फरक देखिएको छ । जसकाकारण, चलचित्र हेर्न दर्शकको कौतुहलता बढ्ने देखिएको छ । टिजरमा सुहाना थापाको भूमिका सस्पेन्स देखाइएको छ ।
चलचित्रमा विपिन कार्कीको साथमा नायिका सुहाना थापा, नायक धिरज मगर, कलाकार कविर खड्का लगायतको अभिनय छ । साथमा चलचित्रमा जेविए एण्ड जेभिन श्रेष्ठ, संजोग रसाइली लगायतका कलाकारको अभिनय छ ।
टिजर
सुहाना थापाको कन्सेप्टमा तयार भएको चलचित्रमा झरना थापाको कथा, झरना थापा, सरिना पोखरेल, परिच्छेद सेन, पुरुषोत्त ढुंगेलको पटकथा, परिच्छेद सेन र पुरुषोत्तम ढुंगोलको संवाद छ । जनकपुर र पोखरामा छायांकन गरिएको चलचित्रमा कविराज गहतराजको कोरियोग्राफी र हिमाल केसीको एक्सन रहेको छ । चलचित्र भदौको २९ गतेबाट रिलिज हुँदैछ ।
