बलिउड अभिनेता शाहरुख खान अभिनित चलचित्र ‘जवान’को प्रिभ्यु टिजर सार्वजनिक भएको छ । दुई मिनेट १२ सेकेण्ड लामो टिजरमा धमाकेदार एक्सन पस्किइएको छ । प्रिभ्युमा शाहरुखको चरित्र डरलाग्दो प्रस्तुत गरिएको छ। चलचित्रको पोस्टरले पनि चर्चा बटुलिसकेको थियो । पोस्टरमा शाहरुखले मुखभरी ब्यान्डेजले बेरेको र एक आँखालेमात्र हेरेको लुक्सको धेरै नै चर्चा भएको थियो भने अब प्रिभ्युले चर्चा बटुलेको छ ।
चलचित्रमा दीपिका पादुकोण पनि विशेष भूमिकामा छिन् । ‘जवान’को प्रिभ्युमा उनी रातो साडीमा एक्सन गरिरहेको देखिएकी छिन् । जहाँ नयनतारा प्रहरी अफिसरको भूमिकामा छिन् । चलचित्रमा विजय सेतुपातीको विशेष भूमिका छ ।
टिजर
‘जवान’मा शाहरुखको दोहोरो भूमिका छ । करिब २२० करोड भारु बजेटमा बनेको ‘जवान’ मूलतः हिन्दीमा बनेको भए पनि भारतभर अन्य भाषामा पनि रिलिज हुनेछ । चलचित्र श्रीकृष्ण जन्माष्टमीको दिन भदौ २१ गते रिलिज हुँदैछ ।
