चैत १७ गतेबाट प्रदर्शनमा आउने चलचित्र ‘प्रेमा’को ट्रेलर सार्वजनिक गरिएको छ । २ मिनेट ४२ सेकेन्ड लम्बाईको ट्रेलरमा एक अर्का प्रतिको अविश्वासले प्रेम सम्बन्ध कसरी संकटमा पर्छ भन्ने देखाइएको छ । शुभेक्क्षा खड्काको प्रेममा परेका अरुण क्षेत्रीको जीवनमा सृष्टि श्रेष्ठको आगमन पछी आउने दरार र बियोगमा चलचित्रको कथा वरिपरि घुमेको देखिन्छ ।
बाघठाटा फिल्म फ्याक्ट्रीको ब्यानरमा निर्माण भएको चलचित्रमा अरुण, शुभेक्क्षा र सृष्टिका अलावा विमला केसी, हिउँवाला गौतम, पुरण जोशी, सबिन बास्तोला, रोशनी स्याङबो, प्रकाश बस्नेत, महान थापा, सुरेन्द्र बसेल, भिभियाना थपलिया (काजु)को अभिनय छ । काठमाडौं, धनगढी र कर्णालीमा खिचिएको चलचित्रलाई विवेक घिमिरे र निर्देशक गोविन्द सिंह भण्डारीले निर्माण गरेका हुन् ।
सामर्थविक्रम थापाको कार्यकारी निर्माण रहेको चलचित्रमा सुशान्त गौतमको संगीत, सुशान्त, सबिन एकतारे र अनिल शर्माको गीत, चन्द्र भट्टराईको मुख्य सहायक निर्देशन, अमित श्रेष्ठको व्याकग्राउण्ड स्कोर, कृष्ण भण्डारीको सम्पादन र महेश पौडेलको डीओपी छ । चलचित्रलाई उपत्यकामा जीजीए ग्रुप र उपत्यकाबाहिर एफडी कम्पनीले वितरण गर्दैछ ।
