चलचित्र ‘प्रसाद २’को ट्रेलर सार्वजनिक गरिएको छ । चलचित्रमा विपिन कार्की, केकी अधिकारी र अर्पण थापाको मुख्य भुमिका रहेको छ । चलचित्रको सार्वजनिक ३ मिनेटको ट्रेलरले सामाजिक कथालाई समाबेश गरिएको छ।
चलचित्र ‘प्रसाद’को सिक्वेलको रूपमा बनेको चलचित्र ‘प्रसाद २’लाई सुदर्शन थापाले निर्देशन गरेका छन् । यसअघि ‘प्रसाद’लाई दिनेश राउतले निर्देशन गरेका थिए । सुशील पौडेलको लेखनमा निर्माण भएको चलचित्रका प्रस्तुतकर्ता सुभाष थापा रहेका छन् भने निर्मातामा सुदर्शन बस्नेत रहेका छन्। कास्की जिल्लाको आसपास छायांकन गरिएको चलचित्र ‘प्रसाद २’लाई राजेश श्रेष्ठले खिचेका हुन् भने सम्पादन मिलन श्रेष्ठले गरेका छन् । चलचित्रको बितरण गोपाल कायस्थले गर्दैछन् ।
