काठमाडौं । सातामा एउटा मात्र ‘ठूलो’ चलचित्र रिलिज गर्ने पूर्वतयारीबाट मल्टिप्लेक्स चेन ‘क्यूएफएक्स’ पछि हटेको छ । नेपाली चलचित्र बजारमा ४० प्रतिशत हिस्सा ओगट्ने मल्टिप्लेक्स चेन ‘क्यूएफएक्स’ले फागुन १९ गते अनमोल केसी स्टारर चलचित्र ‘छड्के २’लाई रिलिज गर्ने निर्णय गरेको छ ।
अब उक्त मितिमा क्यूएफएक्समा ‘छक्कापञ्जा ४’ र ‘छड्के २’ एकसाथ रिलिज हुनेछन् । हलको आधिकारिक वेबसाइटमा उल्लेख भएअनुसार प्रदर्शनको तयारीमा रहेको चलचित्रको सूचीमा ‘छक्कापञ्जा’को चौथो श्रृंखलासँगै ‘छड्के २’ पनि सूचीकृत भएको छ । हलले सामाजिक सञ्जालका ह्यान्डलबाट समेत निगम श्रेष्ठ निर्देशित चलचित्र प्रदर्शन हुने जानकारीसहितको पोस्ट गरिरहेको छ ।
