आउदो कात्तिक १८ गतेबाट प्रदर्शनमा आउने चलचित्र ‘लाखे’को आइटम गीत सार्वजनिक भएको छ । काठमाडौंको विश्वज्योति हलमा आइतवार आयोजित एक कार्यक्रमका बीच सार्वजनिक गरिएको ‘तिम्रो पिरेम’ बोलको गीतमा चलचित्रका मुख्य अभिनेता अनुपविक्रम शाही ,आर्यन अधिकारी र सौगात मल्ललाई देख्न सकिन्छ । गीतमा हर्कुलस बस्नेत र सदिक्षा कट्टेलले स्वर दियका छन् भने संगीत तथा शब्द रचना गायक बस्नेत स्वयंको हो । भिडियोमा सौरभ लामाको छायांकन छ भने सन्देश शाहले सम्पादन गरेका हुन् ।
द्वन्द्व निर्देशक सम्राट बस्नेतले निर्देशन गरेको चलचित्रमा सौगात मल्ल, अनुप बिक्रम शाही, अर्पण थापा, आर्यन अधिकारी, वर्षा राउत, रोहित रुम्बा, संजोग राणा, सुशील सिटौला, प्रशान्त ताम्राकार, रक्षा बुढाथोकी, कालु राना, सुगन तण्डुकार, बाल कलाकार सिस्टम भण्डारीलगायतका कलाकारहरुको मुख्य भूमिका रहेको छ ।
एक्सन, सस्पेन्स, थ्रिलर जनरामा निर्माण भएको चलचित्रमा सिजन अर्यालको कथा तथा निर्माण रहेको छ भने निर्मातामा डिपी भण्डारी र गणेश मल्ल ठकुरी (जिएम) छन् जहाँ चलचित्रको कार्यकारी निर्माता हरि मल्ल ठकुरी हुन् । सुजन प्रजापतिको छायांकन रहेको चलचित्रमा कविराज गहतराजको कोरियोग्राफी, सम्राट बस्नेतको द्वन्द्व, अर्जुन जिसीको सम्पादन, आकाश बरालको पटकथा, अनुप न्यौपाने र आकाश बरालको संवाद लेखन रहेको छ ।
