बहुप्रतिक्षित चलचित्र ‘प्रेमगीत ३’ को ट्रेलर सार्वजनिक भएको छ । आउदो असोज ७ गतेबाट नेपाल र भारतमा एकसाथ प्रदर्शनमा आउने चलचित्रले आज हिन्दी भर्सनको ट्रेलर सार्वजनिक गरिएको हो । हिन्दी भाषामा डब भएर भारत तथा बिभिन्न देशहरुमा एकसाथ प्रदर्शन हुन लागेको यो नै पहिलो नेपाली चलचित्र हो ।
स्वर्गीय छेतेन गुरुङ र सन्तोष सेनले संयुक्त रुपमा निर्देशन गरेको चलचित्रमा प्रदीप खड्का, क्रिस्टिना गुरुङ, शिव श्रेष्ठ, अनुभव रेग्मी, सम्वृद्धि शाही ठकुरी, सुनिल थापा, मनिष राउत, सन्तोष सेन, माओत्से गुरुङ, पुस्कर कार्की, प्रेम पुरी, लक्ष्मी वर्देवा, जीवन भट्टराई, योगिशा खत्री, राज थापा लगायतका कलाकारहरुको अभिनय रहेको छ । चलचित्रलाई राजेश श्रेष्ठले छायांकन गरेका हुन् ।
ट्रेलर
चलचित्रले यसअघि नेपाली र हिन्दी भर्सनमा निर्माण टिमले दुईवटा ‘पावर प्याक्ड’ टिजर सार्वजनिक गरेको थियो । जसमध्ये दर्शकको ठूलो जमातले हिन्दी भर्सनको टिजर मन पराएको छ । चर्चित साउथका कलाकारहरुले अभिनय गरेको चलचित्रको हिन्दी डबमा आवाज दिएका कलाकारहरुले नै ‘प्रेमगीत ३’को हिन्दी डबिङ गरेका हुन् । यसकारण पनि दर्शकमाझ चलचित्रको हिन्दी डब प्रतिक्षित छ ।
