चलचित्र ‘डाँडाको वर पीपल २’ निर्माण हुने भएको छ । डाँडाको वर पीपल युटुव ट्रेन्ङिको पहिलो स्थानमा आएर दर्शकले शतप्रतिशत सकारात्मक प्रतिक्रिया आएपछि निर्देशक शोभित बस्नेतले यस्को सिक्वेल बनाउने घोषणा गरेका हुन् ।
पुरा चलचित्र हेर्नुहोस्
शोभितका अनुसार ‘युटुवमा दर्शकको सकारात्मक प्रतिक्रिया आएपछि बुढासुब्बासँग डाँडाको वर पिपल २ बनाउने भन्ने मिटिङ भएको छ । सबै कलाकारहरुको उपलब्ध समय हेरेर सुटिङ सुरु गर्नेछौं । अहिले कथाको काममा छु’। चलचित्र ‘डाँडाको वर पीपलमा शिव श्रेष्ठ, भुवन केसी, गौरी मल्ल, हिउँवाला गौतम, सलोन बस्नेत, रुविना थापा लगायतका कलाकारहरुको अभिनय छ । ‘डाँडाको वर पीपल २ मा सबै कलाकारहरु दोहोरिएलान् या नयाँ हुनेछन्न त्यो भने केही दिनमा नै थाहा होला ।
‘डाँडाको वर पीपल सार्वजनिक प्रदर्शनीमा पूणर् रुपमा असफल भएको थियो । असफल फिल्मको सिक्वेल शोभित किन बनाउँदै छन् त ? ‘त्यतिवेला कोरोनाले बल्ल हल खुलेको थियो । विभिन्न विवाद पनि आयो, शोभितले सुनाए, त्यसैले फिल्म चलेन । तर मैंले सुरुमै सिक्वेल बनाउने भनेर कलाकारहरुलाई अनुबन्धित गरेको थिएँ । हलमा चलचित्र नचलेपछि रोकिएको थियो । युटुवमा शतप्रतिशत सकारात्मक कमेन्ट आएपछि सिक्वेल बनाउन लागेको हुँ ।’
