अभिनेता राजेश हमाल लाई बलिउड फिल्ममा खेलाउने तयारी भएको छ l निर्माता राजेश चौधरीले हमाल सँग फिल्ममा सहकार्य गर्ने चाहना भएको उनको भनाइ छ l चौधरी भारतीय फिल्मका निर्माता हुन् l उनले हमाल सँग एक हिन्दी गीतमा पनि सहकार्य गरेका छन् l उक्त कुरा चौधरी आफैँले पनि एक भारतीय संचारमा भनेका छन् l भारतीय मिडियासँग कुराकानी गर्दै निर्माता चौधरीले भनेका छन्, ‘राजेश हमाल सर चाँडै एउटा हिन्दी गीतमा पनि देखिनुहुनेछ ।
बलिउड फिल्मको पनि तयारी भइरहेको छ । उहाँसँग सहकार्य गर्नका लागि उत्साहित छु ।’ निर्माता चौधरीले निर्माण गरेको हिन्दी गीतको भिडियो सार्वजनिक गर्न यति बेला नायक हमाल मुम्बईमा छन् । हमाल सोमबार मुम्बई पुगेका हुन् l उनी निर्मित गीत ‘चेहेरा’ को मंगलवार मुम्बईमा सार्वजनिक गरिएको थियो । नेपाल र भारतमा खिचिएको गीतमा नेपाली मोडल नीति शाहको पनि अभिनय रहेको छ ।
