नेपालगन्ज-हरर चलचित्र ‘कठपुतली’ले आफ्नो प्रदर्शन मिति घोषणा गरेको छ । आउँदो पुष १५ गते (डिसेम्बर ३०) लाई निर्माण टिमले चलचित्रको प्रदर्शन मिति घोषणा गरेको हो । तमु ल्होसारका दिन सार्वजनिक विदा हुनेभएकाले चलचित्र बिहीवारबाटै प्रदर्शनमा आउनेछ । सम्पदा मल्लले लेखेको फिल्मका निर्देशक भिमसेन लामा हुन् ।
‘कठपुतली’ मा गौरी मल्ल, मिथिला शर्मा, कर्मा, शिल्पा माष्के, उषा रजक, सुवर्ण थापा लगायतको अभिनय छ । सम्पदा मल्लले लेखेको चलचित्रका निर्देशक भिमसेन लामा हुन् । पृथ्वी राना मगर निर्माता रहेको चलचित्रमा कार्यकारी निर्माता सम्पदा मल्ल, सह-निर्मातामा विशाल गुरुङ, धर्म श्रेष्ठ र हेम थापा छन् । पृथ्वी राना प्रोडक्सनको ब्यानरमा निर्मित ‘कठपुतली’ नेपालमा बनेका अन्य हरर फिल्मभन्दा एकदमै भिन्न रहेको निर्देशक लामाको दाबी रहेको छ ।
