नायक पल शाह र नायिका पूजा शर्मा अभिनित फिल्म ‘म यस्तो गीत गाउँछु २’ माघको १९ गतेबाट हलमा प्रदर्शन हुने भएको छ । निर्देशक तथा निर्माता सुदर्शन थापाले फिल्मको नयाँ पोष्टर सार्वजनिक गर्दै नयाँ प्रदर्शन मिति सार्वजनिक गरेका हुन् ।
‘दर्शकले फिल्मको प्रतिक्षा गरिरहनु भएको छ । यसैले, यो प्रेम कथाको फिल्मलाई हामीले प्रेम दिवसको छेको पारेर रिलिज गर्ने तयारी गरेका हौं’ सुदर्शनको भनाई छ । फिल्मलाई सुदर्शन थापा र नायिका पूजा शर्मा मिलेर को निर्माण गरेका हुन् । फिल्मका सह-निर्माता जन्म जय सम्पाङ राई छन् । फिल्म म यस्तो गीत गाउँछु २ मा पल र पूजासँगै हरिहर शर्मा, दिनेश डीसी, राजा राजेन्द्र पोखरेल, गणेश गिरी लगायतको मुख्य भूमिका छ । छायाँकन सौरभ लामा र कोरियोग्राफी रामजी लामिछानेको गरेका छन् । शिवम् अधिकारी र दिनेश न्यौपानेको पटकथा रहेको फिल्ममा सुदर्शन थापाको कथा, बनिष शाह र मिलन श्रेष्ठको सम्पादन छ ।
