नेपालगन्ज, फागुन २१ गते देखि प्रदर्शन हुने चलचित्र ‘गोर्खे’को ट्रेलर केही समय अगाडि सार्वजनिक भयो। सार्वजनिक ‘गोर्खे’को ट्रेलरलाई दर्शकबाट सकरात्मक् प्रतिकृया मिलेको छ । लामो समयदेखी बन्द रहेको सिनेमाघर खुला भएपनी दर्शक राम्रो चलचित्रको पर्खाईमा छन् ।एस अर्थामा पनि चलचित्रले राम्रो दर्शक पाउनेमा निर्माण टिम चलचित्रलाई लिएर निकैनै आशाबादी छ ।
ट्रेलर
सामाजिक कथामा आधारित ५ युवाहरुको कथा बाचन गर्ने चलचित्रमा रविन्द्र प्रताप सेन, अञ्जली अधिकारी, अर्जुन गुरुङ, अश्मी लामा, अस्मिता श्रेष्ठ, एन्जेल श्रेष्ठ, सरोज तामाङ, सुजन थापा मगर, बालदिप राईलगायत कलाकारहरुको अभिनय छ भने चलचित्रको कथा काजी लिम्बुले लेखेका हुन् । कोजु ईन्टरटेन्टमेनको ब्यानरमा निर्मित चलचित्रमा हरि लामाको प्रस्तुति तथा तिर्थराम कोजु र हरि थापाको निर्माण रहेको छ । सौरभ लामा र निरज कँडेलले छायांकन गरेको चलचित्रलाई मित्र डी गुरुङले सम्पादन गरेका छन् भने चलचित्रलाई किम्मत गौतमले निर्देशन गरेको हुन् ।
चलचित्र ‘गोर्खे’को सिन्की अचार बोलको गीत दर्शकमाझ लोकप्रिय छ
